Read this page in:

Ka hua ake i ngā mahi rangatōpū hao ko ngā utu teitei ake me te whakaiti i ngā kōwhiringa me te kounga. I raro i te Commerce Act, ka whiua ngā pakihi me ngā tāngata ki nga whaina tino nui mēnā ka whakauru ki tētahi rangatōpū hao, ā, ka taea ngā tāngata te aukati i te whakahaere i tētahi kamupene.


Ngā momo mahi a ngā rangatōpū:

Te whakarite utu-tinihanga (price fixing)

Ko te whakarite utu-tinihanga he mahi tērā e whakaae tahi ai ngā pakihi e rua, neke atu rānei he aha ngā utu ka tukuna e rātau kia kaua rātau e whakataetae ki a rātau anō. Ehara te whakarite utu-tinihanga i te whāiti ki ngā whakaaetanga i waenga pakihi whakataetae anake e whakarite ana i tētahi utu ake mō ngā rawa, ratonga rānei – kei roto anō ko ngā pakihi whakataetae e whakaae ana ki te whakarite i tētahi utu, te whakautu rānei e ai ki tētahi tauira kua whakaaetia.

Mātakina tā mātau ataata mō te utu-tinihanga.

Te tinihanga tono (bid rigging)

Ka hua he tono tinihanga, he tono nanakia rānei ina eke he whakaaetanga i waenga i ētahi, te katoa rānei o ngā kaitono ko wai ō rātau ka toa mō tētahi tono i waenga i a rātau anō. Kei roto pea i tēnei ko te noho rāhaki a ētahi kaitono ka taea mō tētahi tono hei tautoko i tētahi toa kua tohua kē, ā, ka whakaae anō pea rātau mō ngā utu ka tukuna e ia rōpū mō tētahi tono.  Ka aukatia e aua momo whakaaetanga te whakataetae tuwhera, tōtika hoki, ā, ko te tikanga kāore e whiwhi i te kaihoko te uara pai rawa mō te moni mō ā rātau pakihi, kiritaki, ā, i ētahi āhuatanga, ngā kaiutu tāke.

Mātakina tā mātau ataata mō te tinihanga tono.

Te tuari mākete

Ka hua te tuari mākete ina mahi nanakia ngā pakihi ki te wehewehe i ngā mākete, ā, kia kaua e whakataetae mō ngā kiritaki ōrite. Tērā pea ka hāngai pea tēnei ki te hokonga o tētahi hua tauwhāiti, he rohe, he momo kiritaki ake rānei.

Mātakina tā mātau ataata mō te wehewehe me te tuari mākete.

Te whakatiki putanga

Ko te whakatiki putanga he āhuatanga tērā e whakaae tahi ana ngā kaihoko mai, kaihoko atu e rua, neke atu rānei e whakataetae ana, ki te aukati, whakatiki, whakaiti rānei i ngā rawa, ratonga rānei e hoko mai ana, e hoko atu ana, ka hokona mai pea, ka hokona atu pea.


Te kōkiri i ngā rangatōpū hao ki te ture

Ka whakaraupapahia e te Komihana ngā kēhi whakaū e pā ana ki ngā mahi rangatōpū hao nā te wharanga nui ka pā ki ngā kiritaki, ki ētahi atu pakihi, ā, i ētahi āhuatanga, ki ngā kaiutu tāke. Tirohia ā mātau pānui pāpāho onā tata nei mō ngā mahi rangatōpū hao.


Ngā āweretanga i aro i te Commerce Act

E āweretia ana ētahi momo whakaaetanga me ngā mahinga  whakataetae-kore mai i te aukati rangatōpū hao i te wāhanga 30 o te Commerce Act. E hāngai ana ēnei ki ngā:

  • mahinga mahi tahi (wāhanga 31)
  • kirimana whakarato taumata rerekē (wāhanga 32)
  • whakaaetanga hoko ngātahi me te whakatairanga ngātahi (wāhanga 33).

Ina tātari ana koe mēnā e hāngai ana tētahi āweretanga ki tētahi whakaaetanga, me āta tirohia te whakaaetanga ki te Āweretanga hāngai kei roto i te Commerce Act.


Ngā Aratohu Mahi Tahi mō ngā Pakihi Whakataetae

E whakarārangi ana i Ngā Aratohu Mahi Tahi mō ngā Pakihi Whakataetae i tā mātau kaupapa mō te whakaū i te ture i whakaurua mai e te ture Commerce (Cartels and Other Matters) Amendment Act 2017, tae atu ki:

  • te aukati rangatōpū hao (me ngā āweretanga mō ngā mahinga ngātahi, ngā kirimana whakarato taumata rerekē me ngā whakaaetanga hoko ngātahi)
  • te tikanga whakahaere whakawātea mā ngā pakihi e marohi ana ki te whakauru atu ki ngā mahinga ngātahi e tūpono ana ki te takahi i te ture.

Ka whakamārama anō ngā aratohu i te tukanga whakawātea mahinga ngātahi.

Pānuitia ngā aratohu.


Ngā tohutohu mā ngā whakarōpūtanga tauhokohoko

Ko ngā mema o ngā whakarōpūtanga tauhokohoko, ahumahi rānei he pakihi whakataetae i te nuinga o te wā. Ko te tikanga o tēnei me āta tūpato kia kaua ngā whakarōpūtanga me ngā mema takitahi e whakauru ki ngā mahi ārai-whakataetae e tūpono takahi ana pea i te Commerce Act.

Pānuitia ngā aratohu.

Pānui haere anō mō te whakarite utu-tinihanga me ngā rangatōpū hao.

Pānui haere anō me pēhea te mōhio atu me te whakapāhunu i te tinihanga tono.

Pānui haere anō mō te whakataetae tōkeke i roto i te ao pakihi.

Pānuitia tā mātau aratohu poto kia kite ai koe mēnā e tūpono ana tō pakihi ki te takahi i te ture whakataetae.

Mahia tā mātau kai roro hei whakamātautau i ō mōhio.