Read this page in:

O ituaiga faiga pisinisi faapea (cartel) e iu ina oso maualuga ai le tau o mea ae faaitiitia ai filifiliga e mafai ona fai ma le tulaga lelei o oloa ma auaunaga. I lalo o le Commerce Act, e mafai ona faasala i ni sala tupe tetele ni pisinisi poo tagata taitoatasi pe afai o loo latou auai i nei ituaiga faiga pisinisi , ma e mafai foi ona faasā ai ni tagata mai lo latou faagaoioia o se kamupani.


Ituaiga o amioga faapisinisi cartel:

Faatulagaina o tau ma’oti

O le faatulagaina o tau ma’oti (price fixing) e faasino lea i ni pisinisi se lua pe sili atu foi ua taufai malilie i ni tau o le a latou tāpā ina ia alofia ai le faatautavā ma le isi. E lē muta mai le faatulaga o tau ma’oti i ni maliega i le vā o kamupani faatautavā ua faatulaga se tau patino mo oloa poo auaunaga — e aofia ai foi ma kamupani faatautavā e malilie e faatulaga se vaega o se tau, pe faatulaga le tau i se fua faatatau ua taufai malilie iai.

Matamata i la matou video i le faatulagaina o tau ma’oti.

Tauofoga eleelea

O le faia tauofoga eleelea (bid rigging) poo le tauofoga faaitu’au (collusive tendering) e tupu pe a iai se maliega a nisi poo tagata uma lava o loo fai a latou petipetiga i lē e tatau ona manumalo lana peti mai ia i latou. E ono aofia ai nisi e mafai ona fai a latou peti ae peitai ua lē peti mo le tauofoga ina ia lagolago ai le tagata lea ua muai filifilia e manumalo, ma e ono malilie foi i latou i tau o le a peti ai vaega taitasi mo se tauofoga. O lenei ituaiga o maliega o le a taofia ai le tulaga lelei ma le faalauteleina atu i tua o se tauvaga, ma o le a ono lē mafai ai foi e i latou o loo galulue mo isi tagata ona latou ausia se tulaga sili mo tupe o a latou pisinisi, a tagata o loo faaaogāina a latou auaunaga, ma i nisi tulaga, o tagata totogi lafoga.

Matamata i la matou video i le faia o ofo pepelo i tauofoga.

Vaevaeina o maketi

E faatino le vaevaeina o maketi (market sharing) pe a fai faalilolilo se maliega a ni pisinisi e vaevae ai a latou maketi ae lē o le tauvā mo tagata faatau masani. O lenei faiga e ono faatatau i le faatauina atu o se oloa patino, se vaipanoa patino, poo se isi ituaiga o tagata faatau.

Matamata i la matou video i le vaevaeina ma le faasoasoaina o maketi.

Faatapulaaina o mea e faatau atu i tua

O le restricting output e faasino atu pe afai e malilie faatasi ni tagata se toalua pe sili atu o loo faatauina mai pe faatau atu ni oloa, ina ia taofiofia, faasāsā, pe faatapulaa ituaiga o oloa poo auaunaga o loo latou faatauina mai pe faatau atu, poo oloa poo auaunaga latou te ono mananao e faatau mai ma faatau atu.


Se gaoioiga e teena ai faiga faa cartels

Ua ave le faamuamua a le Komisi i le faamamaluina o le tulafono i nisi o faiga o loo aafia ai amioga nei faa cartel talu ai le ogaoga o aafiaga e mafai ona afaina ai tagata faatau, o isi pisinisi ma i nisi tulaga e aafia ai foi ma tagata totogi lafoga. Silasila ia matou tusitusiga na faasalalauina talu ai nei e faatatau i amioga faa cartel.


Mea e lē o aofia i lalo o le Commerce Act

E iai ni isi ituaiga o maliega faatauvā ma amioga faatu’iese e lē o aofia i le faasāina o faiga faa cartel i le vaega 30 o le Commerce Act. E faatatau nei mea i:

  • Gaoioiga fai e auaufaatasi ai (collaborative activities) (vaega 31)
  • konekarate i le va o ni kamupani mo le sapalaiina o oloa (vertical supply contracts) (vaega 32)
  • maliega soofaatasi e faatau mai ma faalauiloa ai ni mea (joint buying and promotion agreements) (vaega 33).

Afai e iloiloina pe faamata e apalai se mea o loo faatagaina i se maliega patino, faamolemole ia matuā iloilo lelei e tusa ai o Mea e Faataga o loo ta’ua i le Commerce Act.


Competitor Collaboration Guidelines (Ta’iala Auaufaatasi a ē Tauvā)

O loo otooto atu i le Competitor Collaboration Guidelines la matou auala e faamalosia ai le tulafono o loo faailoa atu i le tulafono toe teuteu o le Commerce (Cartels ma Isi Mataupu) Amendment Act 2017, e aofia ai:

  • le faasāina o le faa cartel (ae lē o aofia ai gaoioigafai e auaufaatasi ai, konekarate i le va o ni kamupani mo le sapalaiina o oloa ma maliega ua auaufaatasi e faatau mai ma faalauiloa ai ni mea)
  • le tuu atu o le faatagaga i pisinisi o loo mananao e auai i gaoioigafai e auaufaatasi ai, lea e ono iai se lamatiaga o le solia ai o le tulafono.

O loo faamatalaina foi e le taiala le faagasologa o le galuega auaufaatasi a le Komisi mo le faatagaga ua tuu atu i nisi pisinisi.

Faitau i taiala.


Fautuaga mo asosi o fefaatauaiga

E masani lava i sui auai o asosi o fefaatauaiga poo pisinisi ona fefaatautavā a’i. O lona uiga e tatau ona faaeteete ina ia faamautinoa e lē o faia e asosi ma sui auai taitoatasi ni uiga lē lelei faatautavā e ono solia ai le Tulafono o Faiga Pisinisi.

Faitau i taiala.

Faitau atili e uiga i le faatulagaina o tau ma’oti ma cartels.

Faitau atili e uiga i le auala e maitaulia ai ma taofia tauofoga eleelea.

Faitau atili e uiga i faiga faatauvaga talafeagai i pisinisi.

Faitau i le matou taiala faavavevave e vaai pe lē o lamatia lau pisinisi i le solia o le tulafono o faiga faatauvaga.

Fai le matou taligāfesili e tofotofo ai lou silafia.