Read this page in:

Kapau ‘oku ke a‘utonu pē telefoni ki ha taha ‘i hono ‘api nofo‘anga ‘o tu‘uaki ki ai ha koloa pea ne fakatau ia, ‘e malava ke hoko ia ko ha aleapau-fakatau-na‘e-fakahoko-neongo-na‘e-‘ikai-ke-fuofua-fakaafe‘i-koe pea ‘oku ‘i ai e ngaahi fatongia ke ke tauhi pau ki ai.

Kuo pau ke fai pau ki he ngaahi tu‘utu‘uni ko ‘eni ha taha te ke ngāue‘aki ke nau fai e founga fakatau ko ‘eni ma‘a ho‘o kautahá pe pisinisí. Ko e fatongia ia ‘o‘ou ke ke fakapapau‘i ‘oku mahino ki a kinautolu ‘a e ngaahi tu‘utu‘uní pea mo fai pau ki ai.

Ko e ngaahi tu‘utu‘uni fekau‘aki mo ha aleapau-fakatau-na‘e-fakahoko-neongo-na‘e-‘ikai-ke-fuofua-fakaafe‘i-koe ‘oku kau ai ‘a ngaahi me‘a kuo pau ke ke fakahā lolotonga ‘a e alea‘i ‘o e fakatau pea mo e ngaahi me‘a ke tala ke fuofua ‘ilo kimu‘a pea mo e founga ke fai‘aki ia. ‘Oku ‘i ai foki mo e ngaahi tu‘utu‘uni fekau‘aki mo e founga ‘e lava ai ‘e he tokotaha fakataú ke kaniseli ‘a e aleapau pea mo e taimi ‘e lava ai ke ke fakahoko (enforce) ia.


Ko e hā e ‘uhinga ‘o e aleapau-fakatau-na‘e-fakahoko-neongo-na‘e-‘ikai-ke-fuofua-fakaafe‘i-koe?

Ko e aleapau-fakatau-na‘e-fakahoko-neongo-na‘e-‘ikai-ke-fuofua-fakaafe‘i-koe ‘oku hoko ia kapau:

  • na‘a ke a‘utonu ki he ‘api ‘o e tokotaha fakataú pe ko e ngāue‘anga ‘oku ‘i aí pe ko ha‘o telefoni ki ai ‘o alea ke fakatau atu ha koloa pe ko hono fai ha ngāue, neongo na‘e ‘ikai ke fuofua fakaafe‘i koe ke fakahoko eni
  • ko e mahu‘inga ‘o e koloa pe ko e ngāue ke fai ‘oku $100 pe to e lahi ange (pe na‘e ‘ikai ke mahino ‘a e mahu‘inga ia ‘i he taimi na‘e tonu ke ma‘u pe a‘utaki atu ai).

‘E malava ke hoko ha aleapau-fakatau-na‘e-fakahoko-neongo-na‘e-‘ikai-ke-fuofua-fakaafe‘i-koe kapau:

  • na‘e ‘osi ‘oatu ‘e he tokotaha fakataú ‘a hono tu‘asilá pe fika telefoní ‘o makatu‘unga ia ‘i ha ‘uhinga kehe (‘o hangē ko ha‘a ne kau ‘i ha fe‘auhi) pea ke lava ‘o fetu‘utaki ai ki he tokotahá ni ke tu‘uaki mo fakatau ki ai ha koloa pe alea‘i ha ngāue ke fai;
  • ko ha fetu‘utaki atu ha taha na‘a ke toutou feinga ki ai mo e ‘ikai pe ke ma‘u (hangē ko ‘ene tā fakafoki atu ko ha‘o telefoni ki ai ne ‘ikai ke na‘e tali pē ko ha‘a ne fetu‘utaki atu ‘i ha fika ‘i ha kaati na‘a ke tuku ke tā atu ai);
  • na‘e kamata ha alea fakatau mo koe hili ha‘a ne ma‘u mola pe ha fakafuofua pe talamahu‘inga mei a te koe ‘o ‘ikai ko ha‘a ne fuofua kole atu ia.

Te ke ma‘u e ngaahi fakamatala ‘oku toe lahi ange ‘i he ‘emau tohi fakahinohino - Ko hono Ngāue‘aki e Kau Fakafofonga Fakatau pea mo e Kau Telemāketi (Use of Agents and Telemarketers).


Ko e ngaahi tu‘utu‘uni ki ha aleapau-fakatau-na‘e-fakahoko-neongo-na‘e-‘ikai-ke-fuofua-fakaafe‘i-koe

Kuo pau pe ke ke ‘oange ki he tokotaha ‘oku ke tu‘uaki koloa ki aí ‘a e ngaahi fakamatala kotoa he taimi ‘oku mo alea‘i ai aleapau-fakatau-na‘e-fakahoko-neongo-na‘e-‘ikai-ke-fuofua-fakaafe‘i‘-koe.

‘I ha‘o alea‘i ha fakatau pe ko ha alea‘i ‘e he fakafofonga ‘o ho‘o pisinisi, kuo pau:

  • ke fakahā ki he tokotaha ‘oku tu‘uaki ki ai e koloá ‘oku ngofua ke ne kaniseli ‘a e aleapaú kapau ko hono lotó ia, pea ke fakahoko ‘i loto he ‘aho ngāue ‘e 5 pea ‘oku ‘i ai ‘a e founga ke fou ai - pea ke fakahoko ia kimu‘a ha aleapau fakatau
  • ‘oange ki he tokotaha ko iá ha tatau ‘o e tohi aleapaú he taimi ‘oku hoko ai ha felotoi. Kapau ko e aleapaú ne fakahoko telefoni pē, kuo pau ke ma‘u ‘e he tokotaha fakatau koloá ha‘a ne tatau ke a‘u ki ai ‘i loto he ‘aho ngāue ‘e 5.

Ko e aleapaú kuo pau ke mahino mo kakato ai ‘a hono fakaikiki ‘o e ‘ū fakahinohino kotoa.

Ko e kotoa ‘o ha fa‘ahinga aleapau-fakatau-na‘e-fakahoko-neongo-na‘e-‘ikai-ke-fuofua-fakaafe‘i-koe kuo pau pe ke:

  • hiki‘i pe tohi‘i
  • fakalea ke faingofua hono lau mo mahino ngofua
  • ma‘a mo ‘ilonga lelei pea fokotu‘utu‘u lelei.

‘I he peesi ‘uluaki ‘o e aleapaú kuo pau ke:

  • ‘asi lelei ‘a hono fakamatala‘i ‘o e koloá ke fakatau pe ngāue ‘oku ‘amanaki ke faí
  • to‘oto‘o konga lalahi ‘a e ‘ū totonu ‘a e tokotaha ‘oku ne fakatau e koloá ke kaniseli‘aki e aleapaú ‘o ka liliu hono loto
  • hingoa, tu‘asila, fika telefoni mo e ‘īmeili ‘o e tokotaha ‘e ma‘u mei ai ‘a e koloá
  • hingoa ‘o e tokotaha fakatau koloá mo hono tu‘asilá.

Kuo pau ke tohi‘i mahino foki ‘i he aleapaú:

  • ‘a e ‘ahó
  • mahu‘inga fakakātoa ke totongí ‘o fakatatau ki he aleapaú.

Ko e totonu ‘a e tokotaha fakataú ke kaniseli ‘a e aleapaú

‘Oku malava pe ‘e he tokotaha fakatau koloá ke kaniseli ‘a e aleapau-fakatau-na‘e-fakahoko-neongo-na‘e-‘ikai-ke-fuofua-fakaafe‘i-koe kae fakahoko ia ‘i loto he ‘aho ngāue ‘e 5 mei he ‘ene ma‘u e tatau ‘o e aleapaú. ‘E malava pe foki ke ne kaniseli ‘e ia e aleapaú ‘i ha fa‘ahinga taimi pē kapau he ‘ikai te ke ‘oange ki ai ‘a e ngaahi fakamatala ‘oku hā ‘i ‘olungá.

Ka kaniseli ‘e he tokotaha fakatau koloá ‘a e aleapau kuo pau ke ke:

  • totongi fakafoki leva he vave tahá ‘a e kotoa ‘o e pa‘anga na‘a ne fakatau‘aki e koloa ‘oku hā he aleapau;
  • femahino‘aki leva ke ke ‘alu atu ‘o ‘ave (pe ko ho‘o kole ki he tokotaha na‘a ne fakataú ke ne fakafoki atu) ha koloa na‘a ke ‘osi ‘oange ki ai pea te ke totongi e fakamole ko ia;
  • kapau ko e ngāue na‘e ‘osi kamata‘i na‘e tupu ai ha maumau ki he naunau ‘a e tokotaha fakata‘u , kuo pau ke ke fakafoki e me‘a ne maumaú ki hono tūkunga totonu ‘o kapau te ne fiema‘u. ‘Oku ‘ikai ngofua ke ke ‘eke ha totongi huhu‘i ki ha ngāue na‘a ke ‘osi fakahoko ‘oku ‘asi he aleapau.

‘Oku ‘i ai foki mo e fatongia pau ‘a e tokotaha na‘a ne fakatau e koloá ‘o ka kaniseli e aleapau aleapau-fakatau-na‘e-fakahoko-neongo-na‘e-‘ikai-ke-fuofua-fakaafe‘i-koe ‘o kau ai ‘ene tokanga‘i lelei e koloa na‘e ‘osi ‘oange ki aí pea mo fakangofua e tokotaha tu‘uaki koloá ke ne ‘ave. Lau ‘a e ngaahi fakamatala ‘oku tānaki mai ki heni ‘i he ‘emau tohi fakahinohinó fekau‘aki mo e fakatau-na‘e-fakahoko-neongo-na‘e-‘ikai-ke-fuofua-fakaafe‘i-koe (uninvited direct selling).


Ko e taimi te ke toki lava ‘o fakahoko ai ‘a e tu‘utu‘uni ‘o ha aleapau-fakatau-na‘e-fakahoko-neongo-na‘e-‘ikai-ke-fuofua-fakaafe‘i-koe

‘E ‘ikai ngofua ke ke fakahoko e tu‘utu‘uni ‘o ha aleapau-fakatau-na‘e-fakahoko-neongo-na‘e-‘ikai-ke-fuofua-fakaafe‘i-koe kae ‘oua leva kuo ‘osi ‘a e taimi na‘e vahe‘i fakalao ke kaniseli ai. ‘I hono fakalea ‘e taha, ‘e ‘ikai ngofua ke fekau‘i ‘a e tokotaha na‘a ne fakatau e koloá ke ne totongi ha silini kae ‘oua leva kuo kakato e ‘aho ngāue ‘e 5 ‘oku ‘atā ai ke ne kaniseli e aleapaú.

Ko ‘ene kakato e fo‘i taimi pau ko iá, ‘e toki lava leva ke fakahoko e tu‘utu‘uni ‘o e aleapau kapau na‘a ke ‘osi ‘oange kotoa ‘a e ngaahi fakahinohino na‘e tonu ke fai ki he tokotaha na‘a ne fakatau e koloá. Hangē ko eni, ‘e ‘ikai ngofua ke fakahoko e tu‘utu‘uni ‘o e alepau kapau ‘oku ‘ikai ‘asi ha ‘aho ne fakamo‘oni ai e aleapau pea ‘ikai mahino mo ‘asi lelei foki hono tohi‘i pea mo hono fakamatala‘í.

Kapau ‘oku ‘ikai mahino lelei ‘a e aleapaú pe ‘ikai ma‘u e fakamatala totonu, ka ko e ki‘i fehālaaki si‘isi‘i pe ‘o ‘ikai uesia ai e tokotaha na‘a ne fakatau e koloá (hangē ko ha‘ane toki ma‘u tōmui ‘aki ha ‘aho ‘e 1 ‘a e tatau ‘o e aleapaú) pea ‘e kei malava pē ke fakahoko e tu‘utu‘uni ia ‘a e aleapaú. Kaekehe, ‘oku mau tapou ki he ngaahi pisinisi kotoa pē ke nau fai pau ki he ngaahi tu‘utu‘uni ‘o e aleapaú ke fakasi‘isi‘i ha hoko ha ngaahi fekīhiaki.

Hangē ko eni

Na‘e telefoni ha taha ngāue telemāketi ki a Daniel ‘o faka‘ali ange ki ai ha totongi ‘uhila ma‘ama‘a kapau ‘e hiki ki he kautaha ‘uhila ‘e taha ‘i ha māhina ‘e 12. Ne ‘ikai ke hiki pe tohi‘i ‘e he tokotaha telemāketi ‘a e tu‘asila mo e ‘ū fakaikiiki ‘o Daniel. Na‘e tupu mei ai ‘a e ‘ikai ma‘u ‘e Daniel ia ha tatau ‘o e tohi aleapau ‘i loto he ‘aho ngāue ‘e 5. Ka na‘e toki ma‘u ‘e Daniel e tatau ‘o e tohi aleapau hili ia ha uike ‘e tolu, ka kuo ‘osi maau ‘ene fakakaukaú ‘a‘ana ke kei nofo pe ia ‘i he kautaha ‘uhila na‘a ne lolotonga ngāue‘akí. Ko e hala ia ‘a e tokotaha fakamāketi ko e ‘ikai ke ne ‘oange ‘a e tohi aleapau ‘a Daniel ‘i he taimi totonu pea ‘i he ‘ene peheé ne ‘ikai ke fai pau ia ki he ngaahi tu‘utu‘uni mo e fiema‘u ‘a e laó. ‘E ‘ikai lava ke fakahoko e tu‘utu‘uni ‘a e aleapaú pea ‘atā kia Daniel ke ne kaniseli ‘i ha taimi pē


‘Oku ngāue‘aki nai e ngaahi tu‘utu‘uni ko ení kapau ko ha fakafo‘ou (renewal) pe eni ha aleapau?

‘Ikai. Kapau ‘oku lolotonga ‘i ai ha aleapau ‘a ha pisinisi mo ha tokotaha fakatau koloa ‘oku fiema‘u ke fakalōloa ‘aki ha founga aleapau-fakatau-na‘e-fakahoko-neongo-na‘e-‘ikai-ke-fuofua-fakaafe‘i-koe (fakatātā ‘aki pe ha taha tu‘uaki na‘a ne telefoni ki ha tokotaha fakatau koloá ke na talanoa fekau‘aki mo e fakalōloa aleapau ‘oku lolotonga ngāue‘akí), ‘e ‘ikai ke lau ia ko ha aleapau-fakatau-na‘e-fakahoko-neongo-na‘e-‘ikai-ke-fuofua-fakaafe‘i-koe ‘i he tu‘u ‘a e lao Fair Trading Act. Ko e ngaahi felotoi ko ení ‘oku ui ia ko e fakafo‘ou aleapau pe (renewable agreements).

Lau ‘a e fakahinohino ‘oku tānaki atu ki heni ‘i he ‘emau tohi fakahinohinó fekau‘aki mo e aleapau-fakatau-na‘e-fakahoko-neongo-na‘e-‘ikai-ke-fuofua-fakaafe‘i-koe.


Ko ha fanga ki‘i tapou mo e fakahinohino ki he ngaahi pisinisi

Ke fakapapau‘i ‘oku muimui e kau ngāué mo e ngaahi kautaha fakafofonga tu‘uaki koloá ki he laó ‘oku mau tapou ke mou:

  • ngāue‘aki ha polokalama ke ako‘i ‘aki e kau ngāue mo e ‘ū kautaha tu‘uaki koloa ke mahino ki a kinautolu ‘a e tu‘unga fakalao ‘a honau ngaahi fatongia
  • muimui‘i ‘enau fakahoko fatongiá ke fakapapau‘i ‘oku nau faipau ki he tu‘utu‘uni ‘a e laó mo malava foki ‘o tala ha ngaahi fehālaakí
  • vakai‘i e ‘ū tohi aleapau ‘a e kau ngāue tu‘uakí ke fakapapau‘i ‘oku kakato ai e ngaahi fakamatala kotoa ‘oku fiema‘u ‘e he laó.