Faatauina atu o extended warranties (feagaiga toe faaopoopo)
This page was updated1 year ago
E iai tulafono e tatau ona e usitaia, pe afai e te faatauina atu ni extended warranties mo se tau faaopoopo.
Pe a e faatauina atu se extended warranty, e tatau ona e:
- saunia mo tagata faatau se pepa o loo faamatala atu ai ni puipuiga e otomeki lava ona maua e le tagata faatau i lalo o le Consumer Guarantees Act (CGA) ma saunia faamatalaga e faatusatusa ai puipuiga e maua e le tagata faatau i lalo o le CGA ma puipuiga o loo ofoina atu e le extended warranty
- faamatalaina e faapea, afai e faatau e le tagata faatau se extended warranty, e mafai i totonu o le 5 aso faigaluega ona toe suia lona mafaufau ma toe soloia lena faatauga, ae toe faafoi atoa atu lana tupe na totogi mo le extended warranty.
O le faailoaina o nei faamatalaga e mafai ai e le tagata faatau ona fai sana filifiliga atamai pe puipuia lelei o ia pe a fai se extended warranty nai lo le lē faia, pe na te manaomia moni le faia o se extended warranty, ae pe o se mea foi e alu aogā ai le tupe lea o le a totogi.
O le taimi lava e te faatau atu ai se extended warranty i le tagata faatau, ua tatau foi ona e tuu atu ia te ia ma se kopi o lena maliega.
O pisinisi e solia nei tulafono e ono tuuina atu i ai se faaaliga o le solitulafono ma se sala tupe e $1,000 mo soliga taitasi o le tulafono, poo se moliaga i le faamasinoga ma se sala tupe e oo atu i le $30,000. E ono tuuina atu foi se faaaliga o le solitulafono ma se sala tupe, poo se moliaga i le faamasinoga ma se sala tupe e oo atu i le $10,000 i tagata taitoatasi.
O le ā le extended warranty?
E te faatauina atu se extended warranty mo se tau faaopoopo i le taimi e te faatau atu ai ni oloa, e pei o komepiuta, telefoni feaveai ma masini tāmea, poo auaunaga e pei o trade services. O se extended warranty e ese mai le warranty a le kamupani na gaosia le oloa (manufacturer), lea e aumai fua faatasi ma oloa. E ese mai foi i guarantees ia e fautuaina mai e le CGA, lea e faaaogā lava ma faato’ā mafai ona aloese mai ai i lalo o ni tulaga faatapulaaina.
O ā mea e tatau ona aofia i le maliega mo se extended warranty?
E tatau ona e saunia se kopi tusitusia o le maliega mo le extended warranty e tuu atu i le tagata faatau i le taimi e na te faatauina ai. E tatau ona manino le gagana e tusia ai le maliega, ia faigofie ona faitau ma malamalama lelei le faailoaina atu.
O le itulau pito i luma o le maliega e tatau ona iai:
- se aotelega o aiātatau ma vaifofo mo le tagata faatau i lalo o le CGA
- se faatusatusaga i le va o guarantees talafeagai a le CGA ma puipuiga e maua mai le extended warranty
- se aotelega o le aiātatau a le tagata faatau e toe soloia ai le maliega
- le igoa o lau pisinisi, le tuatusi o le auala, numera o le telefoni ma le tuatusi o le imeli.
E lē tatau ona amataina i se cover page le itulau pito i luma lena o loo iai faamatalaga autū. Mo se faataitaiga, e lē tatau ona aofia i le extended warranty se cover page mo faalauiloaga poo se cover page o loo iai auiliiliga o tuutuuga o le extended warranty.
E lē tatau ona e faaaogāina igoa o oloa, agana mo le maketiina o oloa ma isi faamatalaga faalauiloa e mafai ona ta’ita’iseseina ai tagata faatau e tusa ai o le umi o le a maua ai penefiti ua ofoina mai e le extended warranty poo le manaoga foi ina ia faatau se extended warranty.
E tatau i le maliega ona tusia ai le aso na faia ai ma aofia ai tuutuuga ma aiaiga uma – e lē mafai ona tuueseeseina i se isi tusitusiga pe tuu i se itulau i le upega tafailagi. E aofia ai mea e pei o le umi o le a aogā ai le warranty, le aso e uma ai le aogā ma le tau atoa o le a totogi e le tagata faatau.
E tatau ona faigofie i tagata faatau ona iloa le umi e aogā ai ma le aso e uma ai le aogā o le extended warranty lea e patino mo i latou.
Pe mafai e le tagata faatau ona toe soloia le extended warranty?
Pe a e faatauina atu se extended warranty, e 5 aso faigaluega (mai le taimi na e tuuina atu ai se kopi o le maliega) e tuu atu i le tagata faatau e mafai ai ona toe sui lona mafaufau. Afai na te filifili e toe soloia le maliega i totonu o le 5 aso faigaluega, e mafai ona ia faia lea tulaga ma toe tāpā mai le faafoi atu o le tau atoa na ia totogiina. Mātau mai: e na’o le extended warranty o loo faatatau iai lea tulaga, ae lē o oloa poo auaunaga.
E tatau ona e tuu fofoga atu i le tagata faatau lenei mea (se’i vaganā na faatau i luga o le upega tafailagi le extended warranty) ma e tatau foi ona tusia i le itulau pito i luma o le maliega mo le extended warranty.
O ā puipuiga o loo iai i lalo o le CGA?
O loo iai faamaoniga (guarantees) faatapulaa e faatatau atu i oloa uma ma auaunaga na faatau mai i se supplier e masani ona manaomia mo le faaaogāina e le tagata lava ia, i totonu o aiga pe faaaogā e le auaiga. Afai e lē ausia le faataunuuina o le guarantee na iai, e tatau i le supplier o oloa poo auaunaga, pe o le manufacturer foi o oloa i ni isi o tulaga, ona fofo le faafitauli. E fuafua le ituaiga o vaifofo e fai i le ituaiga o faaletonu lea ua lē taulau ai ona ausia le faataunuuina o le guarantee na iai.
E lē mafai ona e faaseseina le tagata faatau e uiga i puipuiga mo ia i lalo o le CGA, mo se faataitaiga, o lou ta’uina atu lea ia te ia e faatapulaaina lana aiātatau i lalo o le CGA mo le aofai o ni tausaga ua mautinoa. O le faia o lea tulaga e ono solia ai le Tulafono o Fefaatauaiga Talafeagai (Fair Trading Act).
Faitau atili e faatatau i le CGA.
Puipuiga faaopoopo – PEPA O FAAMATALAGA – IUNI 2018 ({asset_metadata_calltoactionLinkInternal_asset_file_size_in_bytes^divide:1024^round} KB)