Read this page in:

Engari kāore e taea e koe te hua te āta tirotiro i mua i te hoko mai nō reira ka uaua pea te tātari i te kounga me te tino tika o taua hua, me te tirotiro hoki mēnā kei te tika ngā kerēme mō te hua. Kāore pea e mauria atu ngā taonga i hokona tuihonotia mai, ka mutu ka uaua pea te wherawhera i ngā raruraru me te kaihoko ki te hē.

Ō motika hei kiritaki

He ōrite ō motika kiritaki ahakoa ka hoko tuihono koe, i rō toa rānei. E hāngai ana te ture ki ngā kaihoko katoa e tuku pānui ana, hoko atu rānei ki ngā kiritaki o Aotearoa, ahakoa kei waho te kaihoko i Aotearoa.

Me mārama te whakamōhio atu a ngā kaihoko katoa e hoko tuihono ana kei te tauhokohoko rātau, kia mōhio ai ngā  kiritaki e tiakina ana rātau i raro i te Fair Trading Act me te Consumers Guarantees Act.

Ngā mea me mōhio koe

Kei reira ētahi mea ka taea e koe hei whakarite ka pai te āhuatanga ki a koe ina hoko tuihono koe.

Me rangahau

  • Kei te mōhio koe ki tētahi tangata i hoko mea mai i tēnei pae – i pēhea ki a ia?
  • Tirohia ngā arotake tuihono me ngā urupare. Kia maumahara he uaua tonu te whakaū mēnā he tika, he tōkeke hoki ngā arotake – ka taea e tētahi kaihoko te hoko arotake pai, te tīpako anake rānei i ngā arotake pai hei whakaatu ki tana paetukutuku.
  • Rapua ngā mōhiohio mō te kaihoko, te pae rānei pērā i tōna wāhi, kamupene matua rānei – ahakoa he whai wāhitau tukutuku .co.nz tētahi paetukutuku ehara i te mea kei Aotearoa rātau.
  • Me rapu tuihono me te whakataurite i ngā hua ōrite.
  • Tirohia tā mātau whārangi Buyer Beware, Scamwatch rānei mō ngā matohi kiritaki mō ngā kaihoko, tikanga hokohoko rānei hei tūpato māu.
  • Hei tirotiro i ētahi atu tohutohu mō ō motika me ngā hokohoko tuihono, ngā kaupapahere tūmataitinga, hoko ā-ra, ngā paetukutuku hoko ā-rōpū, haere ki te paetukutuku Consumer Protection.
  • Hei tiaki i a koe anō me te noho haumaru i runga ipurangi, haere ki te paetukutuku CERT NZ.

Tirohia ngā taipitopito i mua i tō hokotanga

Hei whakarite ka whiwhi koe i te mea e tūmanako ana koe me te wā e tūmanako ana koe, tirohia ngā taipitopito pērā i:

  • ngā utu mauranga me ngā wā
  • te moni me ngā pāpātanga whakawhiti moni
  • ngā kaupapahere whakahoki hua
  • ngā ture me ngā here.
  • te tāke rawa mai i tāwāhi me te GST

Ina hoko tuihono koe i tētahi mea i whenua kē, ā, ka tukuna mai ki Aotearoa, ka mate pea koe ki te utu GST me ngā tāke mō ngā rawa mai i tāwāhi.

Mō te rapu kōrero atu anō me te whakatau tata i ngā utu tāpiri ka mate pea koe ki te utu mō tō hokonga tuihono, me whakamahi i te pūwhakatau tata mō te tāke rawa mai i tāwāhi.

Te tiki āwhina

Mēnā ki ōu whakaaro kua whakakotitihia koe e tētahi kaihoko tuihono, ka taea e koe ia te pūrongo ki a mātau. Ka taea e koe tāu ake kōkiritanga ture i raro i te Fair Trading Act.

Mēnā ki ōu whakaaro kāore anō kia tutuki i tētahi kaihoko ana kawenga herenga, ka taea e koe te waea mai ki 0800 943 600, te tuku amuamu tuihono mai rānei.

Te mahi a te Komihana

Ka whakaūhia e mātou te Fair Trading Act e tuku ana i ngā motika ki ngā kiritaki me te whakatau i ngā ture hei mātua whai mā ngā pakihi. Ka taea e te Komihana tētahi pakihi te whakatewhatewha me te kōkiri i te ture ina wāhia ngā ture.

Pānui haere anō mō tā mātau mahi.

Te hoko mai me te hoko atu tuihono – PEPA MEKA – HŌNGONGOI 2014 PDF (1 MB)