Te hoko mai i tētahi kaihoko nekeneke, toa taraka rānei
This page was updated1 year ago
Share
E kitea noatia ana ngā toa taraka, ētahi atu kaihoko nekeneke rānei e hokohoko rawa ana pērā i ngā kākahu me ngā pūrere matihiko i roto i ētahi takiwā noho i Aotearoa.
Kei runga ēnei pākihi i te kaupapa whakamāmā me te whiwhi wawe i te kaute noho nama. Ka pai ki ērā kiritaki he uaua tō rātou haere ki wāhi kē, he uaua rānei te whiwhi kaute noho nama, te tikanga 'tiki ināianei ka utu ā muri ake' e whakamahia ana e rātau.
E wātea ana te ataata me ngā kupu hauraro Māori.
Tīpakohia te ata Ngā Tautuhinga kei te kokonga matau o raro o te pūrere ataata > Pāwhiri Kupu Hauraro /CC > Tīpakohia te reo e hiahia ana koe.
Te whakarite utu
Ko te tikanga, ko te tauira pakihi a te kaihoko nekeneke he hoko i ngā rawa mā te kaute noho nama i ngā utu teitei ake i ērā i ngā toa hokohoko tūturu.
He mea nui kia mōhio koe ki te utu tapeke o ō rawa me te utu ā-wiki. Hei tauira, ka ea he hū te utu i te ono wiki i te $10 i te wiki. Ko te pōhēhē pea ehara tēnei i te nui engari ko te utu pea i te mutunga he $260, ehara ko te $70 te utu mō aua hū anō i te tāone.
Ngā āwhina ina hoko mai i tētahi kaihoko nekeneke
Ki te pākōkō atu he kaihokohoko ki tō kūaha, ka waea ohorere atu rānei ki a koe, ā, kāore koe i te tino mōhio mēnā ka hoko mea koe, kāore rānei i te tino mārama ki tāna e tuku ana - kaua e tuohu, me kī atu Kāo.
Me mātua mōhio koe he aha ngā rawa, āhea ka whiwhi i a koe, te rahinga ka utua e koe, te rā mutunga o ō utunga, ā, ka aha ki te kore e ea i a koe ō utunga.
He wā poto ki a koe te motika whakakore e ai ki te momo whakaaetanga kua uru atu koe.
Me mārama te whakamārama atu a te kaihoko ki a koe mō te hua e hokona ana me te utu tapeke ka utua e koe.
Me mātua whakarite kei a koe ngā taipitopito whakapā a te kaihoko (īmēra me te tau waea), kei hiahia koe ki te whakapā atu ki te kaihoko mō ngā take pērā i ō utunga, te tuku atu rānei i ngā rawa.
Te tuku amuamu
Ko te mea tuatahi, me ngana koe ki te whakatau i te raruraru ki te kaihoko. Ki te kore tonu e tau te raruraru ki ōu whakaaro me mōhio mātau, ka taea e koe te tuku amuamu ki konei.
Tā mātau kaupapa kaihoko nekeneke
I whakahaerehia e mātau tetahi kaupapa kotahi tau te roa e tirotiro ana i te ahumahi nei whai muri i te nui haere o ngā amuamu. I whakaputaina e mātau tā mātau pūrongo i te tau 2015. Pānuitia te pūrongo whānui mō te ahumahi kaihoko nekeneke.
