Read this page in:

O nei pisinisi e tele ina latou faaaogā le faiga lea o le faigofie ona maua ma mafai ona vave maua le faatau faaaitalafu. O le faiga lea o loo latou faaaogāina o le ‘ave nei ae totogi mulimuli’, e mafai ona fiafia i ai tagata faatau e lē o faigofie ona maua sona auala e fealuai ai pe lē o faigofie ona fai sana aitalafu.

O loo maua le vitiō ua iai ma ona faamatalaga faa-Samoa (subtitles).

Filifili le faailoga (icon) o le Settings i le tulimanu taumatau i le pito i lalo o le masini vitiō > Oomi le upu Subtitles/CC > Filifili le gagana e te manao ai.

Faiga o tau

O le faiga o le faatau atu o oloa i luga o taavale e faatau atu ai oloa e masani ona fua i le faatau faaaitalafu o oloa i ni tau e taugata atu nai lo tau o loo faatau ai i faleoloa masani.

E tāua ona e iloa pe fia le tau atoa o au oloa ia o le a faatau ma ia e iloa foi pe fia le tau e te totogiina ta’i vaiaso. Mo se faataitaiga, e ono masina e mafai ai ona totogi faauma le tau atoa o se pea seevae pe afai e togitogi ta’i $10 i le vaiaso. E ono foliga mai e lē o taugata telē ae o le aofaiga atoa o le tau e i’u ane ai ua $260 nai lo le $70 lea e faatau ai le pea seevae tutusa lava lena i se faleoloa i le taulaga.


Fautuaga pe a faatau mai i se tagata o loo fealuai i se taavale e faatau ai oloa

  • Afai e tu’itu’i atu se tagata faatau oloa i lou faitotoa pe te’i lava ua vili atu ae e te lē o mautinoa poo e manao e faatau se mea pe e te lē o matuā malamalama foi i le ofa lea e fai atu – aua e te popole ai fua, na’o na e fai lava iai e leai.
  • Ia faamautinoa ua e iloa poo ā na oloa, o afea o le a e mauaina ai, le aofaiga atoa o le tau o le a e totogia, le aso mulimuli e faauma ai ona totogi, ae o le ā foi le mea e tupu pe a lē mafai ona e faia au peimeni.
  • O le a iai lau aiātatau e toe solofua ai le faatauga, e fuafua lava i le ituaiga o maliega na lua faia.
  • E tatau i le tagata faatau oloa ona faamatala manino atu ia te oe le oloa lea e faatau ma le aofaiga atoa o le tau o le oloa lea o le a tatau ona e totogia.
  • Ia faamautinoa ua tuu atu ia te oe faamaumauga e faafesootai ai le tagata faatau oloa (lana imeli ma le numera o le telefoni) ne’i e manao e faafesootai le tagata faatau oloa e faatatau i au peimeni poo le kilivaina atu o au oloa.

Faiga o se faaseā

O le laasaga muamua lava, taumafai e fofō le faafitauli e oulua ma le tagata faatau oloa. Afai e lē o foia lava se mataupu e te talitonu e tatau ona matou iloaina, e mafai ona fai mai sau faaseā iinei.


La matou poloketi o le faatau atu o oloa i luga o taavale

E tausaga atoa na faagasolo ai la matou poloketi agai i lenei ituaiga pisinisi talu ai le tulai mai o le tele o ni faaseā. Sa faasalalau la matou lipoti i le 2015. Faitau i la matou lipoti atoa e faatatau i lea faiga pisinisi e faatau atu ai oloa i luga o taavale.

Tagai i le matou tusitusiga pito lata mai lea ua faasalalau atu e faatatau i le faatau atu o oloa i luga o taavale