Read this page in:

‘Oku fakataumu‘a mo fakalele ‘a e ‘ū pisinisi pehe ni ‘aki ‘a ‘ene fakafiemālie mo fakafaingofua ‘a e ma‘u ‘o e koloá pea mo e tali ‘o e fakamo‘uá. Ko hono ngāue‘aki e founga tu‘uaki koloa ko e ‘ma‘u he taimí ni kae toki totongi ‘a mui‘ (‘get it now and pay later’) ‘oku ‘asi mo ongo lelei ia mo e sio ‘a e kakai tokolahi ‘oku faingata‘a e fefononga‘aki pea toe faingata‘a ke lava ‘o fakamo‘ua.

'Oku lava ke ma'u atu ha vitio 'oku 'asi ai 'a hono liliu e lea ki he lea faka-Tonga.

'Alu ki he faka'ilonga (icon) Settings 'i he tuliki to'omata'u 'i lalo 'i he video-player 'o fili/ lomi’i 'a e fo'i lea Subtitles/CC > pea ke fili mei ai 'a e lea faka-Tonga.

Fakamahu‘inga‘i ‘o ha koloa

Ko e founga angamaheni ‘i hono fakalele ‘o e ngaahi pisinisi pehē ni ko hono fakatau fakamo‘ua atu ‘o ‘enau koloa ‘i ha totongi ‘oku mamafa ange ia he ngaahi falekoloa fakamovetevete.

‘I he ‘ene peheé ‘oku totonu ke ke ‘ilo ‘a e mahu‘inga fakakātoa ho‘o fakataú pea mo hono totongi fakauiké. Fakatātā pē eni - ko ha hoa‘i sū ‘e ala tā fakafoki $10 fakauike ke toki ‘osi hili ha māhina ‘e 6 pe toe loloa ange. ‘E hā ngali to‘o ma‘ama‘a ia, ka ‘e hili angé ‘e fe‘unga mo e $260 ‘a e hoa‘i sū tatau ka ‘oku $70 pe ‘i he ngaahi falekoloa ‘i loto kolo.


Fanga ki‘i fakahinohino eni ki he taimi te ke fakatau ai mei ha pisinisi hikihiki holo

  • Ka ‘ohovale pē kuo tukituki atu ha taha ‘i ho ‘api nofo‘angá pe telefoni fakatu‘upakē atu ko e tu‘uaki ha koloa kae ‘ikai fu‘u mahino ki a koe ‘a e koloa ‘oku ne tu‘uaki atú pea ke veiveiua pe te ke fakatau pe ‘ikai - ‘oua te ke faingata‘a‘ia hono talaange ki ai ‘oku ‘ikai te ke fiema‘u e koloa ko iá.
  • Fakapapau‘i ‘oku ke ‘ilo ko e hā e koloa ‘oku tu‘uaki atu ke ke fakataú, te ke ma‘u fakakū, lahi e pa‘anga te ke totongí, ‘aho ‘e ‘osi ai hono taá pea mo e hā e me‘a ‘e hoko ka ‘ikai te ke lava ‘o totongi ke ‘osi e koloa ko iá.
  • ‘Oku ‘i ai e ki‘i taimi nounou pe ‘e lava ai ‘o ke kaniseli ‘a e fakatau koloá kae fakatefito ia ‘i he fa‘ahinga aleapau na‘a mo felotoi ki ai.
  • ‘Oku totonu ke ‘oatu ‘e he tokotaha tu‘uaki koloá ha fakamatala mahino ‘o e koloá pea mo e mahu‘inga fakakātoa te ke totongí.
  • Fakapapauv‘i ‘oku ke ma‘u hono fakaikiiki ‘o e tokotaha tu‘uaki koloá (ko ‘e ne ‘īmeili mo ‘e ne telefoni) ke ke fetu‘utaki ki ai ‘i ha me‘a te ke fiema‘u fekau‘aki mo e totongi fakafokí pe founga hono tiliva atu ‘a e koloá

Fakahoko ha lāunga

Ka ai ha fetōkehekehe ‘aki ‘e hoko, ko e fuofua me‘a ke ke faí ko ho‘o feinga ke mo felotoi mo femahino‘aki lelei pea mo e tokotaha na‘a ne tu‘uaki atu e koloá. Kapau leva ‘oku ke tui ‘oku kei ‘i ai pe me‘a ‘oku ke tāla‘a ai pea ‘oku fiema‘u ke mau ‘ilo ki ai, ‘e lava pē ke ‘omai ha‘o lāunga.


Ko ‘emau fakaotolo ki he tu‘uaki koloa hikihiki holo

Na‘e ‘i ai e fakatotolo ne mau fai ‘i he tu‘uaki koloa hikihiki holó fe‘unga mo e ta‘u ‘e 1 tupu mei he lahi e ngaahi lāunga ne a‘utaki mai ki a kimautolú. Ne mau pulusi ‘a e olá ‘i ha lipooti he ta‘u 2015. Lau ‘a e lipooti kakato heni fekau‘aki mo e tu‘uaki koloa hikihiki holo.

Vakai ki he ‘emau fakamatala fakamuimui taha na‘e tuku atu ke fakamafola ‘e he mitia fekau‘aki mo e tu‘uaki koloa hikihiki holó