Read this page in:

He ture whāiti ā te Fair Trading Act mō ngā whakaaetanga hokonga hāngai urutomo, tae atu ki ngā ture mō ngā mōhiohio me tuku e te kaihoko ki a koe, ngā ture e whai ai koe ki te huri i ō whakaaro, me ngā ture ka aha ina whakakorehia ana koe.

Pānui haere anō mō te Fair Trading Act

I tēnei whārangi

He aha te hokonga hāngai urutomo?

Ngā mea me mōhio koe

Te tiki āwhina

Te mahi a te Komihana

E wātea ana te ataata me ngā kupu hauraro Māori.

Tīpakohia te ata Ngā Tautuhinga kei te kokonga matau o raro o te pūrere ataata > Pāwhiri Kupu Hauraro /CC > Tīpakohia te reo e hiahia ana koe.

He aha te hokonga hāngai urutomo?

Ko te hokonga hāngai urutomo:

  • he āhuatanga tērā ka haere atu he pakihi, tana māngai rānei ki tō kāinga, wāhi mahi, ka waea atu rānei ki te hokohoko rawa, ratonga rānei; ā,
  • kāore i pōhiritia e koe kia haere ake ki tō whare, te waea atu rānei ki a koe ki te hoko rawa, ratonga rānei; ā,
  • ko te whakaaetanga hokonga mō ngā rawa, ratonga rānei e nui atu i te $100 (he utu rānei tē mōhiotia i te wā i tukuna ngā rawa ki a koe).

ka mutu kei roto hoki ēnei āhuatanga:

  • ko tō tuku i ō taipitopito whakapā ki tētahi pakihi mō te kaupapa kotahi (pērā i te uru ki tētahi whakataetae), ā, ka whakapā atu te pakihi ki a koe kia hoko rawa, ratonga rānei ki a koe; tērā rānei
  • ka urupare koe i te mea i ngana he pakihi ki te whakapā atu engari kīhai koe i taea (pērā i te whakahoki i tētahi waea tāhapa, te whakautu ki tētahi kāri pakihi).

Ngā mea me mōhio koe

  • Kāore he here i runga i a koe ki te hoko rawa, ratonga rānei kāore i tonoa e koe ­ kei a koe te tikanga ki te whakahē.
  • Ki te kore e koe e tino mārama ki tā te kaihoko e marohi ana, e pēhia rānei koe, kaua noa e whakaatu, kaua e waitohu tuhinga, kaua hoki e tuku i tō ingoa, ētahi atu taipitopito mōu anō ki te kaihoko.
  • I mua i tō whakauru ki tētahi whakaaetanga, me mātua kōrero atu te kaihoko ki a koe mō tō motika ki te whakakore me ngā taipitopito me pēhea te whakakore.
  • Ko te tikanga me whiwhi wawe koe i tētahi tārua o te whakaaetanga hokonga i muri i tō waitohu mēnā nā te kūaha ki te kūaha te hokonga, i roto rānei i te 5 rā mēnā ka whakaae koe ki te hoko i runga waea.
  • Ki te hokona mai e koe tētahi mea, ka taea e koe te huri ō whakaaro me te whakakore te whakaaetanga ahakoa te take mō te wā atu ki te 5 rā mahi o tāu whiwhi i te tārua o e whakaaetanga.
  • Mēnā kāore anō koe kia whiwhi tārua o te whakaaetanga, ka āhei koe ki te whakakore ahakoa te wā.
  • Mēnā kāore e uru ki te whakaaetanga ngā mōhiohio katoa e tika ana, kāore anō rānei kia kōrerohia atu koe mō ō motika whakakorenga, kua kore e āhei te kaiwhakarato ki te whakaū i te whakaaetanga.
  • Ki te whakakorehia e koe te whakaaetanga, me mātua whakahoki atu e te kaiwhakarato ngā moni katoa i utua e koe.
  • Ki te whakakorehia e koe te whakaaetanga, me mātua manaaki e koe ngā rawa mō te wā atu ki te 10 rā mahi mai i te rā i whakakorehia e koe. Ina whiwhi koe i tētahi moni whakahoki e āhei atu ana koe, me mātua tuku e koe te kaiwhakarato ki te tiki atu i ngā rawa i tētahi wā pai ka tonoa e ia.
  • Ko ngā ratonga ka tukuna e te kaiwhakarato ki a koe i roto i te 5 rā o te wā whakakorenga kei runga tērā i a ia – kei a koe tonu te motika ki te whakakore me te kore e utu.

Pānui haere anō i roto i ā mātau tohutohu mō ngā hokonga hāngai urutomo.


Te tiki āwhina

Mēnā ki ōu whakaaro kāore i ū tētahi pakihi ki ōna herenga i roto i tētahi hokonga hāngai urutomo, ka taea e koe rātau te pūrongo ki a mātau. Ka taea hoki e koe tāu ake kōkiritanga ture i raro i te Fair Trading Act.

Me pūrongo e koe he pakihi mēnā ki ōu whakaaro kāore rātau i ū ki ō rātau herenga.


Te mahi a te Komihana

Ka whakaūhia e mātau te Fair Trading Act e whakarato ana i ngā kiritaki ki ngā motika e pā ana ki ngā hokonga hāngai urutomo. Ka taea e mātau tētahi pakihi te whakatewhatewha me te kōkiri whakaūnga mēnā kei reira ngā whakapae o tētahi takahitanga o te Ture.


He tauira o ngā hokonga kūaha ki te kūaha

Ka pātōtō tētahi kaihoko ki te kūaha o mua o Ari ka whakatakoto atu i tētahi whakaaro mō te hoko mīhini ngongo. I muri i tētahi whakaaturanga, ka whakariteritehia e rāua he hokonga. Me mātua tuku e te kaiwhakarato ki a Ari he tārua o te whakaaetanga hokonga e whakaatu ana i te utu o te $49.00 mō te mīhini ngongo. Kāore i tuhia ki te whakaaetanga he moni tāpui anake te $49.00, ā, ko te utu tapeke o te mīhini ngongo he $299.00. Kāore e ū tēnei whakaaetanga ki ngā whakaritenga whakapuakanga mōhiohio i te mea kāore i whakatakotohia te utu tapeke me utu mō ngā rawa i raro i te kirimana. Kāore e taea te whakaaetanga te whakaū, ā, kei a Ari te tikanga ki te whakakore ahakoa te wā.

Pānui haere anō i roto i ā mātau tohutohu mō ngā hokohoko kūaha ki te kūaha me runga waea

Ka taea e koe te pānui anō i roto i ā mātau tohutohu: Te whakamahi māngai me ngā kaihoko waea.

Ngā hokohoko kūaha ki te kūaha me runga waea – PEPA MEKA – HAKIHEA 2018 PDF (642 KB)