Read this page in:

O loo iai i le Tulafono o Fefaatauaiga Talafeagai ni tulafono ma’oti mo maliega o faatauga tuusa’o faatauanau, e aofia ai tulafono i faamatalaga e tatau ona tuu atu e le tagata faatau oloa ia te oe, tulafono e avatu ai ia te oe le taimi ne’i toe sui lou mafaufau, ma tulafono e faatatau i le mea e tupu pe a e toe solofuaina le maliega.

Faitau atili e uiga i le Tulafono o Fefaatauaiga Talafeagai

I lenei itulau

O le ā le faatauga tuusa’o faatauanau?

O mea e tatau ona e silafia

Sailiga o se fesoasoani

Le matafaioi a le Komisi

O loo maua le vitiō ua iai ma ona faamatalaga faa-Samoa (subtitles).

Filifili le faailoga (icon) o le Settings i le tulimanu taumatau i le pito i lalo o le masini vitiō > Oomi le upu Subtitles/CC > Filifili le gagana e te manao ai.

O le ā le faatauga tuusa’o faatauanau?

O se faatauga tuusa’o faatauanau pe afai:

  • e faafeiloai atu oe e se pisinisi, poo so latou sui i lou maota, lou fale faigaluega, pe vili atu lau telefoni, e faatau atu ni oloa poo ni auaunaga, ma
  • e te lei valaauliaina i latou e o atu i lou fale poo le vili atu foi ia te oe e te faatauina ana oloa poo ni auaunaga; ma
  • o le maliega mo faatauga, e mo oloa poo auaunaga e $100 le tau pe sili atu (poo se tau e lē o mautinoa i le taimi na avatu ai oloa ia te oe);

ma e aofia ai pe afai:

  • e te tuuina mai i se pisinisi ou faamaumauga e faafesoota’i ai oe mo le mafuaaga e tasi (e pei o le faaulu o lou suafa mo se tauvaga) ae ua avea ma mea ua faafesoota’i atu ai oe e le pisinisi ina ia faatau atu ana oloa poo auaunaga; pe
  • ua e tali mai i se taumafaiga a se pisinisi sa lei taulau e faafesootai atu oe (e pei o lou vili mai i se tasi na e misia lana vili atu poo le vili mai i se numera na tusi atu i se card e vili mai ai).

O mea e tatau ona e silafia

  • E te lē tau faatauina fua oloa poo auaunaga e te lei faatalosagaina – e iai lau aiātatau e te teena ai.
  • Afai e te lē o malamalama atoatoa i mea o loo faaali atu e le tagata faatau oloa pe ua e lagona foi e peiseai o loo faamalosia oe, aua ne’i e ioe i se mea, aua ne’i e sainia se mea ma aua ne’i ta’ua i le tagata faatau oloa lou igoa poo isi faamatalaga e patino ia te oe.
  • A’o lei faamautuina se lua maliega, e tatau i le tagata faatau oloa ona ta’u atu ia te oe e iai lau aiātatau e toe solofua ai ma ta’u atu foi auiliiliga uma o le auala e toe solofua ai.
  • E tatau ona tuu atu sau kopi o le maliega o le faatauga i le taimi ua mae’a ai ona e sainia le maliega pe afai o le faatauga na faatau savali atu, pe i totonu o le 5 aso pe afai sa e malie e fai se faatau i luga o le telefoni na vili atu.
  • Afai e te faatauina mai se oloa, e mafai ona toe suia lou mafaufau ma solofua le maliega mo soo se mafuaaga lava, i totonu o le 5 aso faigaluega e amata faitau mai i le aso na e maua ai se kopi tusitusia o le maliega.
  • Afai e te lei mauaina se kopi o le maliega, e mafai lava la ona e toe solofuaina i soo se taimi.
  • Afai e lē o iai uma i totonu o le maliega faamatalaga e tatau ona iai, pe e lei ta’uina atu foi ia te oe au aiātatau e mafai ai ona e solofuaina le maliega, e ono lē mafai la e le supplier (le tagata poo le kamupani o loo avatua le oloa) ona faamalosia le maliega.
  • Afai e te solofuaina le maliega, e tatau i le supplier ona toe faafoi vave atu soo se tupe ua uma ona e totogia.
  • Afai e te solofuaina le maliega, e tatau ona e tausia lelei oloa mo le 10 aso faigaluega e amata mai le aso lea na e solofua ai le maliega. O le taimi e te mauaina ai soo se tupe e tatau ona toe faafoi mai ia te oe, ua tatau loa ona e faatagaina le supplier e sau e toe avatu oloa i soo se taimi talafeagai e na te faatalosaga mai ai.
  • Soo se auaunaga e faatinoina e le supplier mo oe i totonu o aso e 5 ia e mafai ona e toe solofua ai se maliega o lana ia lava lena faitalia e lē afaina ai fua oe – o loo iai pea lau aiātatau e solofua ai e aunoa ma se mea e te totogia.

Faitau atili i la matou taiala e uiga i faatauga tuusa’o faatauanau.


Sailiga o se fesoasoani

Afai e te manatu ua lē faatinoina e se pisinisi a latou matafaioi i le taimi na fai ai se faatauga tuusa’o faatauanau, e mafai ona e lipotia mai ia matou. E mafai lava foi e oe ona e avea i le tulafono e tusa ai ma le Tulafono o Fefaatauaiga Talafeagai.

Ia lipoti mai se pisinisi pe afai e te manatu e lei faatinoina a latou matafaioi.


Le matafaioi a le Komisi

E matou te faamalosia le Tulafono o Fefaatauaiga Talafeagai, lea e avatu ai i tagata faatau a latou aiātatau e tusa ai o faatauga tuusa’o faatauanau. E mafai ona matou suesueina se pisinisi ma faatino gaoioiga e taofi faamalosi ai pe afai ua iai ni tuua’iga o le solia o le Tulafono.


Faataitaiga o faatauga e faatau savali

Ua tu’itu’i se tagata faatau oloa i le faitotoa o le fale o Ari ma ofo atu iai se feutaga’iga mo le faatauina o se vacuum cleaner. Ina ua mae’a ona fai le faataitaiga, ona la fetuutuunai loa lea i le tau o le masini. Ua tuu atu e le supplier ia Ari se kopi tusitusia o le maliega o le faatauga lea e ta’u patino atu ai se tau e $49.00 mo le vacuum cleaner. O le mea e lei ta’ua i le maliega, o le $49.00 ua na’o se tau e faamau pe tiposi ai ae o le tau atoa o le vacuum cleaner e $299.00. E lei usitaia la e lenei maliega mea manaomia mo le faailoaina atu o faamatalaga, auā e lei mafai ona faama’otiina atu le tau atoa e tatau ona totogi mo oloa e tusa ai o le konekarate. Sa lē tatau la ona faamalosia le maliega ma sa mafai lava e Ari ona toe solofua i soo se taimi.

Faitau atili i la matou taiala e uiga i faatauga e faatau savali ma luga o telefoni

E mafai ona e faitau atili i la matou taiala o le Faaaogāina o sui o kamupani ma tagata e faatauina oloa i luga o telefoni.

Faatauga e faatau savali ma vili atu i le telefoni – PEPA O FAAMATALAGA – TESEMA 2018 PDF (1 MB)